Բարսելոնայի նախագահի նախկին թեկնածուն վստահ է Մեսիի ապագայի հարցում
Բարսելոնայի նախագահի նախկին թեկնածու Վիկտոր Ֆոնտի խոսքերով, «բլաուգրանան» մոտ է Լիոնել Մեսսիի վերադարձին.
«Եթե Չավին ցանկանում է իր թիմում ունենալ Մեսսիին, ինչը Չավին ցանկանում էր երկու տարի առաջ, ակումբը պետք է ամեն ինչ անի խաղացողին հետ բերելու համար: Կարծես հիմա կողմերը մոտենում են համաձայնության։ Ամենակարևորը տնտեսական խնդիրն է։ Շատերն են ցանկանում, որ Մեսսին վերադառնա, բայց դրա համար անհրաժեշտ է ֆինանսական թուլացում, և դա դժվար է անել։ Բայց նրա վերադարձը, անշուշտ, կօգնի Բարսային ցույց տալ իր լավագույն կողմերը»: Իրոք, Բարսայի շատ խաղացողներ ստիպված կլինեն զգալի կրճատումներ կատարել իրենց աշխատավարձերում, եթե ակումբը ցանկանում է բավարարել արգենտինացու ֆինանսական պահանջները:
Բայց նույնիսկ սա կարող է բավարար չլինել։ Չմոռանանք, որ «բլաուգրանային» չհաջողվեց գրանցել Գավիի պայմանագիրը, թեև կիսապաշտպանը, իհարկե, մարզական առումով շատ ավելի օգտակար է թիմին։
Մյուս կողմից, Բարսելոնան կարող է արժանապատիվ գումարներ վաստակել Մեսսիի վրա, նրա միայն ներկայությունը թիմում զգալիորեն կբարձրացնի գովազդատուների և հովանավորների հետաքրքրությունը «բլաուգրանայի» նկատմամբ:
